XAKEKO
MAISUEN VIII. FINALA
(2015eko urriaren
26tik azaroaren 1era, Bilbon)
WESLEY SO AUSART ETA ERASOTZAILEA, GARAILE.
Wesley So jatorri filipinarreko estatu batuarra Bilboko Grand
Slameko Maisuen VIII. Finaleko irabazle izan zen, Anish
Giri jatorri
errusiarreko herbeheretarrari irabazi ostean. Garaipena, berdinketa hausteko
partida arinetan etorri zen, seigarren eta azkenengo errondako duelu zuzenean
berdinketa sinatu zuten eta.
Tie Break-a
txapelketako arauekin bat jokatu da. Lau minutuko 2 partida eta mugimendu
bakoitzeko 3 segundo gehiago. Euretariko bakoitzak, partida bat jokatu du
zuriekin eta hauetan ere berdinketa lortu izan balute behin betikoa
jokatu behar izango zuketen, “Armegedon” deritzona. Horrela, bost
minutuko partida bat jokatuko zuketen, eta zuriek bost minutu horietan,
garaipena lortu beharko zuten. Beltzek aldiz, berdinketa lortuta ere irabaziko
zuketen.
Biak heldu dira berdinketa hauste honetara zalantza
eta segurtasun faltarekin. Izan ere, azken partida arina biek galdu zuten
kontrako berdinaren aurka, Nakamura estatu batuarraren aurka, hain zuzen ere.
Dena den, hasieran behintzat, So jotzen zen faborito bezala, bere izaera ausart
eta erasotzaileagatik. Giri, ordea, klasikoagoa, solidoa eta ikaragaitza da.
Horrela, nahiz eta hasierako akats larri bat egin, gainditzen jakin du eta
zuriekin lehenengo rounda irabazi zuen. Bigarrenean, abantaila guztiak Giriren
zuriek zituztenean, mugimendu magiko batek, berdinketa sinatzeko aukera eman
zion Sori, eta honek, behin betiko garaipena.
Wesley So Filipinetako Las
Piñas izeneko herrikoa da. 1993. urtean jaioa, talentu gazte hau, xakeko
munduko eliteko esperantzak pizten dituenetariko bat da. Txapeldun
olinpikoa izan zen 12 urterekin eta historiako gazteena 2600 puntuko eloa
lortzen 14 urterekin, oraingo munduko txapelduna den Magnus Carlsen baino are
lehenago. Bere lorpen nagusien artean, Reikiavikeko Opena, La Habanako
Capablanca Memoriala, Bérgamoko Golden Classic-a eta Las Vegaseko Millonaire
Chess-a tituluak ditugu.
Errusiako San Petersburgo hirian jaioa 1994ean, aita
nepaldarra eta ama errusiarra, Anish Giri txikitan
joan zen bizitzen Herbehereetara. Berak Herbehereetako herritartasuna hartu
zuen eta oso gazte, 15 urterekin, titulu nazionala irabazi zuen. Beste torneo
batzuen artean, Italiako Reggio Emilia torneoa irabazi du.
So maisu handiak, Maisuen
Finalean, bost aldiz txapelduna izan den eta munduko txapeldunordea den
Viswanathan Anandi darraio. Eurak baino lehenago,
Bilboko maisuen Finaleko txapeldun izan dira, bi aldiz bakoitza, munduko
lehenengoa den Magnus
Carlsen norvegiarra,
eta Levon
Aronian armeniarra.
Garaipen zerrenda, Veselin Topalov,
bulgariarrak, 2008an irabazi zuenak, eta 2010ean Vladimir
Kramnik (bere
lehiakide nagusia eta “etsai mina” dena) errusiarrak ixten dute.
Belaunaldi arteko lehia bat bezala planteatuta izan den
Bilboko Maisuen VIII. Final hau (Anand beteranoaren eta
munduko top 10ean sartzen ari diren 20 urte inguruko
Giri, So eta Dingen artean) maila altuenetariko
bat izatera iritsi da mundu mailan 2015 honetan. Hau honela da, parte
hartzaileen elo maila neurgarri bezala hartzen badugu behintzat.
Anish Giri jatorri errusiarra duen herbeheretar hau (21
urte eta nazioarteko rankingean 9. sailkatua), Liren
Ding txinatarra
(23 urte eta zortzigarrena) eta Wesley So jatorri
filipinarra duen estatu batuarra (21 urte eta hamargarrena) dira xakeko munduko
eliteko kimu berriak. Postu horiek azaroko zerrendaren arabera dira. Beraien
aurrean, taularen beste aldean, bost aldiz munduko txapelduna izan den, eta
gaur arte lehiaketa honetako txapelduna izan den Viswanathan
Anand (45
urteko indiarra).
Maisuen VIII. Finala Bilboko Campos Eliseos Antzokian jokatu
da. Partidak zuzenean internet bidez eman ziren, www.bilbaochess2015.com web orri ofizialaren bitartez eta xakeko nazioarteko atari
nagusien bitartez. Guzti hauen ikusleak kontutan hartuta, iaz hamar milioi
ikusle baino gehiago zenbatu ziren mundu guztian. Leontxo
García eta Santiago
Gonzalez de la Torre berriemaileen azalpenak jarraitu ahal
izan zituzten zuzenean bertara hurbildu zirenek.
2015-11-04.
Iturria: “http://www.bilbaomastersfinal.com/eu/2710-so-estatu-batuarrak-lidergoa-mantentzen-du-bilboko-maisuen-finalean-bigarren-jardunaldiko-bi”
webgunea.